Ish-deputeti i PD-së Luçiano Boçi i ftuar në Euronews Albania është pyetur nga moderatorja Erla Mëhilli nëse a do të kandidonte në atë që është konceptuar si pjesa e pasigurt e listës zgjedhore, pra si kandidat në dy të tretat e listës.
Në përgjigjen e tij, Boçi është shprehur se pavarësisht ndarjes që bën kryetari i partisë, deputetët nuk duhet që ta shohin pozicionim në listë si një mundësi për të kapur një vend pune, por si një detyrë publike.
Luçiano Boçi: Unë këtu kam ardhur të mbroj vendimin e Partisë Demokratike. Beteja politike dhe listat nuk janë vende pune për deputetët. Deputeti është detyrim publik që e merr në saj të përkrahjes së votuesve. Shprehja e këtij partizanizmi në një moment kur jemi ende në diskutim është thjesht një kurjozitet gazetaresk dhe unë nuk bie në këtë kurth gazetaresk.
Moderatorja: Jo, nuk është kurjozitet gazetaresk. Ka shumë deputetë që sot e kanë komentuar preferencën e tyre, disa për shembull thonë që duan të jenë tek lista e sigurtë…
Luçiano Boçi: Duhet të balancoj mirë edhe vendimet e mia personale, edhe vendimet politike të partisë. Kjo është ajo pjesa që na bën të ecim sa më gjatë edhe drejtë në një forcë politike.
