Nga Boldnews.al
Për të kuptuar sa seriozisht e ka Instituti i Shëndetit Publik higjenën në shkolla mjafton të shikoni këto fletpalosje. Janë me dhjetra mijëra të tilla që janë shpërndare pranë shkollave në Tiranë e rrethe me qëllim njohjen e fëmijëve me rregullat kryesore te higjenës. Por për të marrë vesh se çfarë ka dashur të thotë Shendeti Publik në këto fletëpalosje duhet të zotërosh në mënyrë të shkëlqyer gjuhën serbo-kroate.
Për arsye ende të panjohura ky institucion, me paratë e taksapaguesve ka shtypur dhjetra mijë fletpalojes në gjuhën serbo-kroate. Kët fletushka tashmë jane shpërndarë anë e mbanë vendit, ndërsa në media paraqitet si fushatë e suksesshme për edukimin e fëmijëve mbi bazate e higjenës.
Boldnews.al ka siguruar në ekskluzivisht flletë-palosjet këshilluese për higjenën, por e ka të pamundur t’i deshifrojë ato pasi gjuha është serbisht. Në pamje të parë mund t’i konsiderosh edhe materiale propogandistik e të servirua nga Serbia, por ka disa elemente që të bëjnë të mendosh se kjo është një vepër “e përkryer” e Shëndetit Publik. Në krye të fletës është vendosur logoja e Instituti të Shendetit Publik. Më tej ka edhe disa emra të tjerë që mund të jëne shqiptarë si psh konceptuesi i fletë-palosjes apo shtëpia botuese që ka kryer shtypjen e tyre.
Boldnews.al ju referuar të dhënave të Thesarit të Shtetit ku rezulton se Instituti i Shëndetit Publik ka kryer të paktën 5 transaksione financiare me shtëpinë Botuese “Morava” ku saktësohet se me prosesverbal të nënshkruar janë marrë në dorëzim fletë-palosjet e prositura. Sipas fletë-palosjes tërësisht në gjuhën serbe rezulton se ajo është shtypur në shtypshkronjën Morava në vitin 2017. Përgjatë këtij viti ISHP ka bërë të paktën 5 pagesa në adresë të kësaj shtypshkronjë duke filluar nga muaji gusht deri në dhjetor të vitit 2017. Vlera totale e pagësës që ISHP i ka bërë kësaj shtëpie botuese për të pestë transaksionet është 9.58 milion lekë.
Kur sheh këto të dhëna lindin natyrshëm disa pyetje: Kush i ka marrë në dorëzim këto mareriale? A e ka njohur gjuhën shqipe ky apo këta persona? Po gjuhen serbo-kroate e njohin? Kush i ka porositur këto fletë-palosje, Instituti i Shëndetit Publik të Serbisë, apo ai i Shqipërise? Këto pyetje duhet të marrin përgjigje sa më të shpejtë nga drejtoresha e re e Institutit të Shëndetit Publik, Albana Fico e cila u eërua në këtë deryrë një muaj më pare. Po ashtu një përgjigje duhet ta japë edhe Ministria e Shëndetësisë si kompensim për heshtjen e “shëndetësisë falas”.
Skandale të tilla ndodhin rëndom në administratën shqiptare, drejtuesit e të cilës në çdo tender mendojnë për pjesën e tyre dhe nuk shqetësohen nëse realizohet ose jo shërbimi i nevojshëm. Kështu ka ndodhur edhe në këtë rast ku mjafton që figurat të jenë në rregull, ndërsa përmbajtes nuk i është kushtuar asnjë rëndësi.
Ky skandal përfshin shtypjen, marrjen në dorëzim, magazinimin dhe më pas shpërndarjen e fletë-palosjeve anë e mbanë vendit me qëllim sensibilizimin e fëmijëve për rregullat e higjenës. Ky skandal është një arsye më shume për të kuptuar se ku është katandisur ky vend. Por pavarësisht këtyre “gjerave të vogla” e rëndësishme është që qeveria “Rama 2” po bën SHTET njëlloj si “Rama 1”.
