Myftinia e Shkodrës është kundër ndërtimit të kullës shumëkatëshë “Rozafa Tower” e cila ka marrë bekimin e Edi Ramës për t’u ndërtuar në një territor që ndodhet në proces gjyqësor pasi myftinia pretendon se është pronë e komunitetit mysliman.
Një gjë e tillë u bë e ditur nga myftiu i Shkodrës imam Muhamed Sytari i cili u shpreh pro zhvillimit të Shkodrës por jo aty ku cënohet prona e komunitetit mysliman.
Myftiu Sytari tha se ndjehet i tronditur dhe se duhet ngritur një qendër e përbashkët mes komuniteteve fetare dhe bashkisë për të ndihmuar shtresat në nevojë.
“Patjetër që ne gëzohemi kur thuhet se qyteti ynë do të zhvillohet dhe do të ndërtohet. Gëzohemi më shumë kur dëgjojmë që ndërtimet do të bëhen në pronat që nuk prekin pronën e shenjtë të komunitetet fetare, aq më tepër që nuk janë pyetur dhe nuk konsultohen.
Më e rëndësishme se ndërtimi i 100 kullave dhe gradacelave në Tiranë, Shkodër apo çdo qytet tjetër është ndërtimi i qendrave për ndjekjen e hallet dhe problemet e njerëzve që Shkodra mos zgjohet me lajme të korbshme”, tha Muhamed Sytari.
