Është mbyllur me tension dueli i Ligës së Konferencës mes maltezëve të Marsoshlok dhe Partizanit.
Portieri serb i vendasve, Drobnjak, ka provokuar tifozët e Partizanit pas ndeshjes.
Ai iu drejtua me provokime tifozëve të Partizanit që kishin udhëtuar në Maltë duke ngritur edhe tre gishtat. VIDEO
Simboli i tre gishtave të serbëve ka fituar popullaritet vetëm gjatë luftërave në Ballkan. Në mjaft foto të shovinistëve serb në Kosovë, Bosnje dhe Kroaci janë fiksuar momente kur ata ngrenë lartë tre gishtat teksa vrasin dhe dëbojnë banorët lokalë.
Por skandali i tij nuk mbaroi vetëm me kaq. Mbrojtësi i Partizanit, Bytyçi rrezikoi konfrontim me portierin Dropnjak. Ishte pikërisht Bytyçi, ai që kuptoi në gjuhën serbe sharjet e portierit karshi tifozëve dhe lojtarëve të Partizanit.
Duket se ky eliminim ka bërë që serbi ta humbasë toruan, teksa rrezikon dënim shembullor nga komisioni i disiplinës të UEFA-s.
