Pas shumë ditësh “përvëluese”, të nxehtit afrikan në Shqipëri po i vjen fundi.
Meteorologët parashikojnë që me temperatura të larta do të shoqërohet dita e enjte dhe e premte, kurse në fundjavë presim që temperaturat të bien 4-5 gradë Celcius.
“Termometri sot 41 gradë , nata jo më pak se 27 . Lagështira e madhe ka bërë të ndihet më shumë vapa”, tha meteorologia për mikrofonin e Top Channel.
Por ditën e premte në disa zona mund të ketë rrebeshe shiu, kurse të shtunën pritet rënie e temperaturave.
“Do të këtë vranësira kryesisht në zona malore të cilat mund të shkaktojnë reshje madje në forme rrebeshi. Vala e të nxehtit afrikan në Shqipëri pritet të marrë fund ditën e shtunë. Temperaturat maksimale do të bien 4-5 gradë Celcius”, tha Besa Sherollari nga Shërbmi Meteorologjik Ushtarak.
Edhe pse nuk janë këto temperaturat me të larta me te cilat përballet vendi ynë, pasi rekordi është thyer një vit më parë ku në Berat termometri shënonte 44 gradë, por këtë vit thonë meteorologët është thyer rekord me temperaturat e larta si asnjëherë tjetër në zonat malore ku në Peshkopi termometri ka shënuar 40 gradë Celcius.
