Një efektiv i policisë kufitare serbe ka mbetur i vrarë dhe një tjetër ka mbetur i plagosur pas një sulmi me armë të regjistruar në orët e para të mëngjesit të kësaj të enjte në Loznicë.
Ministria e Brendshme e Serbisë ka thënë se në vendngjarje është gjetur një pasaportë e autorit të dyshuarit të lëshuar nga autoritetet e Kosovës me emrin e Artan Hajzirit, 33 vjeç, dhe një dokument tjetër gjerman identifikimi.
Ivica Daçiç ka thënë se ngjarja ka ndodhur rreth orës 00:55, kur zyrtarët policorë, teksa kanë qenë duke kontrolluar makinat në një pikë kontrolli në Lipniçki Shor, kanë ndaluar një makinë Mercedes, me targa të Tutinit të Serbisë, në të cilën kanë qenë dy persona.
Sipas Ministrisë, njëri prej personave, më pas, ka qëlluar me armë duke e goditur zyrtarin policor Nikolla Kërsmanoviç në gjoks dhe zyrtarin policor Iliç Vjekosllav në shpatull, dhe më pas është larguar.
Nga plagët e marra ka ndërruar jetë polici Nikolla Krsmanoviç, 34-vjeç, ndërsa ka mbetur i plagosur Vjekoslav Iliç 50-vjeç, i cili është jashtë rrezikut për jetën.
Si autori i krimit akuzohet Artan Hajrizi, i cili sipas mediave serbe ishte nisur për të takuar një shok të tij në Loznicë dhe kur policia kufitare i kërkoi t’i tregonte çantë, ai hapi zjarr ndaj tyre.
Policia serbe ka nisur kërkimet për kapjen e autorit, ku raportohet se në operacionet e kërkimit janë përfshirë dronë dhe helikopterë.
“Sonte, rreth orës 00:55 në Loznicë, gjatë kontrollit të automjetit në pikën e kontrollit në Lipnički Šor, policët e stacionit kufitar të Trbushnicës ndaluan një Mercedes me targa të Tutinës në të cilin ndodheshin dy persona. Kur ka dalë nga vetura, një person ka qëlluar me pistoletë, duke e goditur policin Nikolla Krsmanoviç në gjoks dhe policin Vjekoslav Iliç në shpatull dhe më pas kanë ikur.
Të dy policët u transportuan në Spitalin e Përgjithshëm të Loznicës, ku Krsmanoviç u nënshtrua plagëve të marra. Policia në vend ka gjetur pasaportën e të dyshuarit, të lëshuar nga institucionet e Kosovë në emër të Artan Hajziri dhe një letërnjoftim gjerman.
Forca të forta policore janë në kërkim intensiv të autorit, policët e Departamentit të Policisë së Shabacit, si dhe Drejtoria e Policisë Kriminale, Drejtoria e Policisë Kufitare dhe pjesëtarët e Njësisë Speciale Antiterroriste ndodhen në terren, janë ngritur dronë dhe helikopterë. I dërgoj ngushëllimet më të thella familjes së policit të vrarë në emër të Ministrisë së Punëve të Brendshme dhe në emrin tim”, tha Daçiç.
