Një shpërthim me eksploziv i vendosur në një makinë tip ‘Benz’ me targa AA270IV në lagjen ‘29 Nëntori’ ku mbeti i plagosur rëndë shoferi Ervin Memo që ndodhej brenda tronditi mbrëmjen e djeshme Fierin.
Nga kamerat e sigurisë nuk shihet asnjë person i dyshimtë për vendosjen e eksplozivit.
Po të njëjtat burime kanë bërë të ditur se vendosja e eksplozivit në makinën tip Benz, mund të ketë lidhje me konflikte pronash të familjes së të plagosurit. Kjo pasi familja e Ervin Memos është në procese gjyqësore për prona.
Kjo është vetëm një nga pistat që që po heton policia, ndërsa pista tjetër mbetet ajo e hakmarrjes. Gjithsesi, fatmirësisht 38-vjeçari ka mundur t’i shpëtojë eksplozivit, teksa ndodhet në spital jashtë rrezikut për jetën.
Makina ishte parkuar afër banesës dhe kishte kohë që nuk lëvizte pasi ishte vënë në shtije. Mirëpo, 38-vjeçari e ndizte herë pas here atë për të parë ndonjë defekt të mundshëm. Të njëjtën gjë ka bërë edhe mbrëmjen e djeshme, teksa sapo Demo është ulur në sedilje ka shpërthyer eksplozivi. Nga sa bëhet e ditur lënda shpërthyese ishte vendosur në krahun e pasagjerit.
Ndërkohë, policia po vijon me mbledhjen e provave dhe zbardhjen e ngjarjes si dhe identifikimin e autorëve.
