Nuk pritej aspak një sfidë e tillë.
Pas fitores 2 me 1, në Andorrë, përballë kampionëve të Santa Coloma u mendua se Ballkani i Ilir Dajës do të kalonte lehtësisht në fazën e ardhshme të kualifikueseve të UEFA Champions League, mirëpo në sfidën e kthimit, rivalët andorras kanë bërë rezistencë, duke dërguar ndeshjen deri në goditjen e penalltive.
Koha e rregullt u mbyll me rezultatin minimal 0 me 1, me spanjollin Andres Mohedano, i cili ndëshkoi në “frymën e fundit” të sfidës, djemtë e Ilir Dajës, të cilët që prej minutës së 38’-të luanin me 10 lojtarë, pas daljes me kartonin e kuq, të nigerianit, Sunday Adetunji.
Në kohën shtesë Santa Coloma arriti të dyfishonte shifrat, me De Jesus, në minutë e 102’-të, mirëpo një gol i algjerianit, mirëpo një gol i algjerianit Ëalid Hamidi shpëtoi djemtë e Ilir Dajëës, duke e dërguar sfidën në goditjen e 11-metërshave.
Fati nuk i buzëqeshi “Dardanëve”, as në “ruletën ruse”, me Emerllahun dhe Thaqin, të cilët gabuan nga pika e bardhë e penalltisë, duke i “dhuruar” fitoren kundërshtarve, të cilët në raundin e radhës të këtyre kualifikueseve do të ndeshen me danezët e Midtjylland.
