Anglia humbi një tjetër finale Europiani, duke u dominuar nga Spanja e De la Fuentes, që siguroi Europianin e katërt në histori falë suksesit 2-1 në Berlin.
Pas ndeshjes, trajneri Southgate u shpreh i zhgënjyer, ndërsa është i paqartë për të ardhmen e tij në krye të “Tre Luanëve”.
“Nuk është momenti për të folur për të ardhmen time, nuk është çasti për të diskutuar për këtë temë. Kam nevojë të bisedoj me njerëzit e duhur. Por e përsëris: nuk është momenti”, tha fillimisht Gareth Southgate.
Më pas për sa i përket finales së humbur ai u shpreh skuadra e tij nuk kishte kohë të mjaftueshme për të përgatitur ndeshjen duke qenë se Spanja kishte 1 ditë më shumë pushim.
“Finalja? “Sigurisht që është dizavantazh të kesh një ditë më pak për të përgatitur finalen. Por ne ishim në lojë për rreth 80 minuta. Do të na duhet pak kohë për ta harruar këtë humbje”, u shpreh tekniku i Anglisë.
Southgate, ka qenë në krye të Anglisë që nga viti 2016, por kontrata e tij aktuale do të përfundojë në dhjetor.
