Një shpërthim i fuqishëm ka ndodhur mbrëmjen e djeshme në një kafene në Mogadishu të Somalisë, e cila në atë kohë ishte i mbushur me shumë njerëz.
Vendi, i quajtur Top Coffee, jo shumë larg pallatit presidencial, ishte plot me tifozë që po ndiqnin në atë kohë finalen e kampionatit evropian të futbollit.
Sipas transmetuesit somalez Kaab TV, ishte një sulm vetëvrasës, ku u vranë më shumë se 10 persona dhe një numër i panjohur u plagosën, ndërsa ende nuk ka asnjë deklaratë zyrtare.
Asnjë grup nuk ka marrë ende përgjegjësinë për incidentin.
Reaguesit e parë përshkruan një skenë të tmerrshme me trupa të shpërndarë në tokë, gjak në çdo cep dhe ndërtesë pjesërisht e shembur. Flakët dhe tymi u ngritën nga Top Coffee, e frekuentuar rregullisht nga tifozë të shumtë të futbollit që ndjekin ndeshjet në një ekran të madh.
