Kryeministri i Greqisë, Kyriakos Mitsotakis ka publikuar në rrjetet sociale një album me fotografi nga samiti tre ditor i NATO-s i mbajtur në Washington, me rastin e themelimit të 75-vjetorit të Aleancës.
Por, ajo çfarë vihet re është se në asnjë prej atyre fotove nuk ndodhet kryeministri Edi Rama, madje as në foton familjare të samitit, ku dolën të gjithë liderët botërorë së bashku.
Rama kishte pozuar në të djathtë të presidentit amerikan Joe Biden, por në foton që ka postuar Mitosotakis, kreu i qeverisë shqiptare është prerë.
Nuk dihet nëse kjo është thjesht një rastësi, apo ky veprim i Mitostakis vjen pas përplasjeve mes dy vendeve për arrestimin e Fredi Belerit. Ky i fundit, tashmë i dënuar për blerje votash në vendin tonë, pritet të betohet më 15 Korrik si deputet në Parlamentin Europian.
View this post on Instagram
