39-vjeçari shqiptar, Renato Kutrici, u kap në flagrancë nga policia britanike në një fermë kanabisi në Nottingham.
Kutrici kishte pak kohë që kishte dalë nga burgu për të njëjtën vepër penale.
Avokatja mbrojtëse e 39-vjeçarit, Laura Pitman, tha në seancën dëgjimore se klienti i saj u përfshi në ndërmarrjen e paligjshme përmes një bande shqiptare, së cilës familja e tij i detyrohej para.
Roli i Kutricit ishte të kujdesej si kopshtar për bimët narkotike. Kutrici u kap i mbuluar me gjethe të prera dhe me doreza kur policia u fut me forcë në shtëpi.
Avokatja e shqiptarit tha se ai është i dëshpëruar për të shkuar në shtëpi te gruaja dhe tre fëmijët e tij.
“Kam dëgjuar për të kaluarën se si keni ardhur në Mbretërinë e Bashkuar dhe kam pak simpati për rrëmujën në të cilën jeni gjetur ju dhe familja juaj.”
Në fermë u gjetën 205 bimë individuale në faza të ndryshme rritjeje dhe secila zonë individuale kishte sistemin e saj me drita, ushqim dhe një sistem ujitjeje. Eksperti i drogës vlerëson se vlera e kanabisit në total do të ishte midis 57,400 dhe 172,220 paund.
Kutrici u deklarua fajtor për prodhimin e kanabisit. Dënimi i tij i mëparshëm për të njëjtën vepër e bëri atë të burgosur për gjashtë muaj kur u paraqit në Gjykatën e Kurorës në Warwick në gusht të vitit të kaluar.
Avokatja tha se familja e klientit të saj hyri në borxhe me kriminelët në Shqipëri për të paguar trajtimin mjekësor kur ai mbeti i paaftë për të ecur pas një përplasjeje në trafikun rrugor në vitin 2011. Ajo tha se kjo është arsyeja pse ai erdhi në MB për të ndihmuar në shlyerjen e atyre borxhet.
Pitman tha: Ai e kupton tani se kishte mundësi të tjera të disponueshme për të dhe se ai mund të kishte thirrur policinë ose autoritetet. Por vështirësia do të ishte ajo që mund të ndodhte me familjen e tij në atdhe në Shqipëri. Ai thjesht është i dëshpëruar për të shkuar në shtëpi.
