Protesta përballë kryeministrisë u zhvendos te Bashkia Tiranë. Belind Këlliçi është shprehur mbrëmjen e së enjtes për mikrofonin e A2 CNN se organizimi ishte spontan nga ana e qytetarëve.
“Ka qenë një organizim spontan. Tubimi është paqësor, por nuk do të ndalemi pa e larguar Veliajn. Ky sot nuk është më institucion, këtu janë zyrat qendrore të kompanisë 5D, kompanisë që vjedh qytetarët çdo ditë.”
Ndërkohë, gazetarët tanë në terren raportojnë se marshimi i protestuesve drejt bashkisë Tiranë, i gjeti disi të papërgatitur efektivët e policisë së shtetit, edhe pse informacionet që mund të ndiqej si skenar ishin.
Përgjatë perimetrit të bashkisë është vendosur një kordon i policisë, teksa nuk kanë munguar tensionet mes efektivëve dhe protestuesve.
