Një zjarrëfikës nga Përmeti është djegur pjesërisht në trup dhe në fytyre në përpjekje për shuarjen e flakëve të zjarrit në fshatrat Lugar dhe Grapsh të Bashkisë së Dropullit.
Mësohet se zjarrfikëse që ka pësuar djegie është Romeo Sulejmani, ku sipas vlerësimeve paraprake të mjekëve të spitalit ka marrë djegje të shkallës së dytë e të tretë.
Efektivi zjarrfikës është vizituar në spital nga Drejtori i Përgjithshëm i Zjarrëfikësve Arben Cara, për të parë gjendjen e tij shëndetësore.
Në një prononcim për mediat, Cara ka shprehur gatishmërinë për transferimin e efektivit zjarrëfikës drejt Tiranës.
“Fatmirsisht shkalla e djegies nuk është aq e rëndë sa ta komplokojë situatën. Jemi gati që të bëjmë gjithçka për shërimin e tij, jemi fati për ta çuar jo vetëm drejt Tiranën, por nëse duhet edhe në vende të tjera. Zjarret kanë bërë dëme në bimësi dhe pyje, nuk ka dëme në banesa. Vatrat e zjarrit janë shkuar në zonën e Dropullit dhe vijon në qafën e Muzinës”, tha ai.
Nga ana e tij, zjarrëfikësi Sulejmani rrëfen momentet e përballjes me zjarrin.
“Kemi luftuar me flakët për orë të tëra, shumë zona janë fikuar. Kemi shkuar në zonat malore sepse kishim makinë vetëm për zonat malore dhe kemi shpëtuar një kishë. Pastaj jemi rikthyer dhe fikëm vatra të tjera zjarri, pastaj zjarri rrezikonte familjet dhe jemi futur për ta shuar”, tha ai.
