Teuta ka zgjedhur Pukën për të zhvilluar fazën përgatitore.
Ekipi i Teutës do të qëndrojë nga data 22 korrik deri më 5 gusht në Pukë, ku përveç seancave stërvitore, do të zhvillojë edhe disa ndeshje miqësore, por emrat e kundërshtarëve ende nuk janë zbuluar
Stafi, me në krye trajnerin Edi Martini, do të punojë dita-ditës që ekipi të marrë ngarkesën e duhur pa sforcime dhe duke qenë se në javët e ardhshme, i nxehti do të jetë i madh, drejtuesit kanë preferuar ta transferojnë ekipin në Pukë, aty ku klima dhe kushtet e mira pritet t’ia bëjnë më të lehta përgatitjet bluve.
Për sa i përket merkatos, Teuta ditën e sotme ka njoftuar transferimin e parë në merkato dhe bëhet fjalë për një ish, pasi Ardit Peposhi rikthehet pas 9 vitesh në klub.
Ndërkohë edhe pse akoma jo zyrtare, Teuta është pranë firmës me mbrojtësin shkodran, Antonio Marku, i cili që nga viti 2019 ishte pjesë e skuadrave të futbollit kosovar, ku së fundmi ka luajtur me Suharekën.
