“Shfaqja e guximit dhe pasionit të Holandës, për të mposhtur Turqinë 2-1 në çerekfinalen e Euro 2024 të shtunën, është diçka për t’u krenuar”, tha trajneri Ronald Koeman.
Koeman shpesh i kujdesshëm, tha kualifikimi ishte një përgjigje e lojtarëve të tij për t’u të mbyllnin gojën e kritikëve, që kishin vënë në dyshim përpjekjet dhe angazhimin e tyre.
“Duhej të vuanim sonte, pasi nuk është e lehtë në një turne si ky. Lojtarët dhanë gjithçka sonte, ishte me të vërtetë një ndeshje emocionale dhe ata treguan një zemër të madhe”, tha Koeman në një konferencë për shtyp.
“Ndonjëherë marrim kritika për këtë, se nuk e kemi atë, në krahasim me kombet e tjera. Dhe lojtarët treguan sonte një zemër të madhe, pasi bënë një pjesë të dytë të mirë.”
Eshtë hera e parë që Holanda arrin një gjysmëfinale të Euros në 20 vjet dhe ka kujtime të bukura nga hera e fundit që kampionati evropian u organizua në Gjermani, fitorja e saj në finalen e 1988-ës mbetet suksesi i vetëm i madh i turneut.
Koeman, një mbrojtës në ekipin fitues të 1988-ës i mbushur me talente individuale si Ruud Gullit dhe Marco van Basten, tha se forca e ekipit të tij ishte thellësia e tyre.
“Unë mendoj se kjo për të gjithë kombin është diçka e veçantë,- tha Koeman. – Ne jemi një komb i vogël dhe jemi pjesë e gjysmëfinales me Anglinë, Francën dhe Spanjën… Jemi vërtet krenarë që kemi mundësinë të luajmë për një vend në finale të mërkurën.
Anglia ka lojtarë të mirë, por edhe ne kemi. Ne luajmë në Dortmund, në një nga stadiumet më të bukura, më afër Holandës, ndoshta edhe kjo bën një ndryshim”, tha ai.
