Një 28-vjeçar është vënë në pranga ditën e sotme në Fier pasi u kap në flagrancë me doza kokainë.
Gjatë kontrollit fizik, shërbimet e Komisariatit të Policisë Fier i gjetën sasi lënde të dyshuar cannabis sativa, të ndarë në doza gati për shitje, ndërsa gjatë kontrollit në banesën e tij u gjet bimë narkotike e mbjellë në vazo.
“Specialistët për Hetimin e Krimeve të Komisariatit të Policisë Fier, bazuar në informacionet e siguruara nga inteligjenca policore, se një shtetas shiste doza cannabisi në fshatin Levan, Fier, dhe në fshatrat përreth, menjëherë kanë organizuar punën për kapjen e tij.
Si rezultat, nga specialistët për Hetimin e Narkotikëve të DVP Fier u arrestua shtetasi K. L., 28 vjeç, banues në fshatin Levan, pasi gjatë kontrollit fizik, shërbimet e Komisariatit të Policisë Fier i gjetën sasi lënde të dyshuar cannabis sativa, të ndarë në doza gati për shitje, ndërsa gjatë kontrollit në banesën e tij u gjet bimë narkotike e mbjellë në vazo.
Lënda narkotike dhe bima narkotike u sekuestruan në cilësinë e provës materiale, bashkë me 2 celularë.”- njofton policia.
Materialet procedurale i kaluan Prokurorisë, për veprime të mëtejshme.
