Përveç Italisë dhe Greqisë, dy partnerëve kryesorë tregtarë historikë, Shqipëria po i orienton importet dhe eksportet drejt vendeve të tjera, madje edhe përtej kontrinentit evropian.
Të dhënat e fundit të Institutit të Statistikave tregojnë se Gjermania dhe Kina i janë shtuar listës së partnerëve kryesorë të vendit tonë. Në tremujorin e parë të këtij viti, INSTAT vlerëson se 68.5 % e shkëmbimeve tregtare u zhvilluan me vendet e Bashkimit Evropian.
Në periudhën janar – mars 2018, eksportet drejt vendeve të BE-së zunë 80.2 % të totalit, ndërsa me po këto vende u realizuan 62.5% e totalit të importeve.
Për këtë periudhë, partnerët kryesorë tregtarë janë: Italia (35.8 % të totalit të tregtisë), Gjermania (7.6 % të totalit), Greqia (me 6.9 % të totalit) dhe Kina (me 6.3 % të të gjithë shkëmbimeve tregtare).
