Policia e Sarandës ka arrestuar një të ri, i cili lëvizte me armë zjarri me vete. Në kuadër të operacionit të koduar “Strike 16” është vënë në pranga shtetasi Marius Haxhi, 29 vjeç, banues në Delvinë.
Autoritetet policore raportojnë se i riu është kapur në flagrancë me armë zjarri kallashnikov me vete, në aksin rrugor Delvinë-Sarandë, në afërsi të fshatit Bajkaj. Arma e zjarrit është sekuestruar në cilësinë e provës materiale.
Materialet procedurale i kaluan Prokurorisë së Sarandës për veprime të mëtejshme.
