Deputeti Lulzim Basha thotë se është demokrat euroatlantik dhe vendimi i 11 qershorit i Gjykatës së Apelit do të çohet në Gjykatën e Lartë përmes një rekursi.
Basha tha se po pret zbardhjen e vendimit të Apelit për t’iu drejtuar Gjykatës së Lartë.
“Nuk pati gjykim themeli në Apel, sikundër udhëzonte Gjykata e Lartë. Me çështjen do të merren juristët, ne nuk harxhojmë asnjë minut kohë me këtë debat shterpë”, tha Basha për emisionin “Open”, duke shtuar se “forca jonë është Partia Demokratike e Shqipërisë, demokratët euroatlantikë”.
