Vazhdon ecuria e mirë e Chelsea që në takimin e programuar për t’u luajtur në javën e 31-të, mposhti 2-1 Burnley.
“Blutë” kaluan në avantazh pas 20 minutash lojë, falë autogolit të Long, ndërkohë që baraspeshën e vendosi Barnes në minutën e 64-t. Goli i Victor Moses 5 minuta më vonë i vendosi “kapakun” ndeshjes dhe i dha një fitore të rëndësishme Chelsea, që thellon në 9-të distancën me Arsenal-in e vendit të 6-të.
Në takimin tjetër, Southampton nuk ka shkuar më shumë se një barazim pa gola në transfertën e Leicester City-t.
Një pikë që nuk i shërben aspak, të besuarve të Mark Hughes që e dërgojnë në -4 ditancën me Sëansea e vendit të 17-të, pozicion që të shpëton nga rënia një kategori më poshtë.
Nga ana tjetër, “dhelprat” mbajnë vendin e 8-të në kuotën e 44 pikëve.
