Tirana zhvilloi miqësoren e radhës në orën 18:00 në stadiumin e Ohrit.
Këtë herë kishin përballë një ekip edhe më të fortë se sfiduesi i parë, sepse luajtën me Ballkanin e Ilir Dajës në duelin që përfundoi në barazim 2-2.
Vlen të theksohet fakti se miqësorja e parë për bardheblutë ishte me Strugën dhe u humb me shifrat 1 me 0.
Në të dytën të zhvilluar sot në stadiumi “Biljanini Izvori” të Ohrit ishin Përgjoni dhe Jonuzi që shënuan për kryeqytetasit e Bledi Shkëmbit, teksa blerjet e reja nuk arritë të linin gjurmë.
Tirana po vazhdon përgatitjet intensive në Ohër në kuadër të turit të parë të Conference League kundër Torpedo Kutaisit.
