Ka ndërruar jetë polumbari, të cili i shpërtheu bombola e oksigjenit mbrëmjen e kësaj të hëne gjatë zhytjes në ujërat e detit Jon në Sarandë.
VIktima është ende i paidentifikuar, teksa dyshohet se është një shtetas i huaj. Ngjarja ka ndodhur rreth 100 metra larg nga Porti i Sarandës.
Mësohet se viktima ka qenë në një gomone bashkë me shokun e tij dhe ka qenë ky i fundit i cili e ka nxjerrë në breg të detit.
Grupi hetimor ndodhet në vendngjarje dhe po punon për zbardhjen e plotë të rrethanave të ngjarjes, si dhe për identifikimin e shtetasit që ka ndërruar jetë.
