Qendra për të drejtat në Punë, CLR.AL, shpreh shqetësimin e saj për rritjen e aksidenteve tragjike në vendin e punës gjatë ditëve të fundit.
Kjo qendër përmend vdekjen e dy minatorëve që humbën jetën në galeritë e nëntokës në Cerujë dhe Bulqizë, si dhe rënien nga kati i 13-të i një 40 vjeçari në Tiranë, teksa punonte në ndërtim.
Qendra për të drejtat në Punë i bën thirrje organeve ligjzbatuese të ndërhyjnë sa më parë për të ndalur tragjeditë e radhës.
“Informaliteti është ende një problem për ekonominë shqiptare, ndaj i takon institucioneve përkatëse të kryejnë inspektime të vazhdueshme për të vënë para ligjit të gjithë ata subjekte të biznesit të cilët duhet të sigurojnë punonjësit e tyre si dhe tu garantojnë atyre kushte teknike duke shmangur në këtë formë aksidentet në punë. CLR.AL vëren me shqetësim dhe situatën në miniera ku vijojnë të humbin jetë njerëzish.
E ndërsa shoqëria civile dhe sindikalistët ende nuk kanë rënë dakord për miratimin e një drafti ligjor të Statusit të Minatorit, minatorët kërkojnë me të drejtë që ky debat të përfundojë sa më parë me miratimin e statusit aq të shumëpritur ndër vite“, thuhet në reagim.
Qendra për të drejtat në Punë, kërkon nga ministria e linjës të nxisë bashkëpunimin mes palëve për të përfunduar sa më parë hartimin e draftit e miratimin e tij nga kuvendi, si një detyrim për kategorinë e profesioneve më të vështira siç janë minatorët
