Një 50-vjeçar shqiptar është arrestuar nga policia në Itali, për dhunë në familje. Ngjarja ndodhi në Xhenoa ku Arben Kosova ka goditur me thikë gruan e tij gjatë një grindjeje për arsye xhelozie.
Ka qenë fqinji i çiftit që ka lajmëruar policinë, pasi ka dëgjuar ulërimat dhe zhurmën në apartamentin e çiftit Kosova.
I alarmuar ai ka njoftuar policinë dhe brenda pak minutash kanë mbërritur karabinieri, të cilët gjetën të mbuluar me gjak trupin e 40-vjeçares dhe pranë saj ishte bashkëshorti.
Arben Kosova nuk ka bërë rezistencë ndaj policisë dhe ka pranuar menjëherë se e kishte goditur.
Sipas “Genova Today” Muratori, 50 vjeçar, është shprehur:”Nuk e di se çfarë më kapi, humba arsyen sepse më iku truri.”
Gruaja e tij, Vojsava, që punonte në Genova si kujdestare, u dërgua menjëherë në spitalin e San Marinos, pasi kishte marrë lëndime serioze në kraharor.
Gjendja e saj është serioze, por për fat të mirë është e vetëdijshme dhe po mbahet nën kontroll të rreptë mjekësor.
