Partia Demokratike do të mbledhë nesër Këshillin Kombëtar, ku pritet të diskutohet mbi ndryshimet statusore, të cilat do të votohen në Kuvendin e kësaj force politike që do të mblidhet në fund të prillit.
Mbledhja e Këshillit Kombëtar do të mbahet në selinë e PD-së, ndërsa ajo do të nisë në orën 18:00.
Mbledhja e Këshillit është paraprirë nga një mbledhje Kryesie, e cila ka zgjatur disa orë, dhe ku janë miratuar propozimet për ndryshimet në statut.
PD ka ngritur një grup pune që do të merret me ndryshimet statusore. Sipas kritikëve të kreut të PD-së, Lulzim Basha, ndryshimet në statut kanë kallcifikuar pengmarrjen e kësaj force politike. Një tjetër pikë për të cilën kritikët kanë shprehur pakënaqësi është ajo se në statut nuk është sanksionuar dorëheqja e Kryetarit në rast të humbjes së zgjedhjeve.
Por për mbështetësit e Bashës kjo gjë nuk është sanksionuar në statut, pasi kjo do të cconte në atë që grupime të caktuara mund të punonin kundër në zgjedhje vetëm për të ccuar drejt dorëheqjes kryetarin e forcës më të madhe të opozitës.
Nuk dihet nëse në ndryshimet statutore do të përfshihet edhe propozimi i bërë kohë më parë nga Basha, sipas të cilit zgjedhja e kryetarit do të bëhet një herë në dy vjet.
