Pasi vendi ynë u përfshi nga i nxehti afrikan, fillimi i kësaj jave pritet të sjellë ulje të temperaturave të ajrit, duke bërë që vlerat maksimale të mos i kalojnë 36 gradë celsius.
Meteorologu Hakil Osmani tha në Euronews Albania, se e hëna do të shoqërohet me vranësira dhe me reshje në orët e pasdites, ku në juglindje do të ketë rrebeshe dhe breshër.
Dita e enjte do të sjellë rënie më të madhe të temperaturave, duke bërë që maksimumet të mos i kalojnë 34 gradë celsius. Në fundjavë moti do të jetë i qëndrueshëm, por maksimumet nuk do t’i kalojnë 36 gradë celsius.
