Tifozët serbë shfaqin sërish “lëkurën” e tyre në ndeshjet e “Euro 2024”. Pas thirrjeve “Kosova është Serbi” në stadiumin “Veltins Arena”, ultrasit serbë brohoritën kundër shqiptarëve edhe në sfidën kundër Slloveninë, të zhvilluar dje.
Kur kishin mbetur edhe 10 minuta nga fundi i kohës së rregullt, siç kuptohet edhe nga video e mëposhtme, në sfond dëgjohet kori i ultrasve serbë që thërrasin: “Vrite, helmoje, që shqiptari të mos ekzistojë”.
Një skenë turpi, për të cilën UEFA duhet të ndërhyjë dhe Federata Serbe e Futbollit të mbajë përgjegjësi.
E të mendosh që fill pas ndeshjes së kuqezinjve me Kroacinë, ishte po kjo federatë që kërcënoi me bojkotin e Euro 2024 duke bërë viktimën për thirrjet e pretenduara kundër serbëve të tifozëve kroatë dhe atyre shqiptarë.
Tifozët Serbisë, në fakt, lanë prapë “markën” e tyre edhe me sendet e hedhura drejt lojtarëve sllovenë, pas golit të shënuar nga Zan Karnicnik.
“Zëri” i stadiumit u detyrua të ndërhynte në 10 minutat e fundit, duke paralajmëruar të pranishmit që të mos hidhnin asgjë në fushë.
