Po që i paska marrë malli… ! Ministrja e Arsimit, Lindita Nikolla dhe ajo e Kulturës, Mirela Kumbaro kanë shfrytëzuar një moment pauze të Parlamentit për të takuar Sajmir Tahirin, i cili pas gjashtë muajsh mungese në seancë është sot i pranishëm.
Ndonëse është përjashtuar nga grupi parlamentar i PS-së dhe tashmë është deputet i pavarur, ish-ministri i Brendshëm duket se ruan marrëdhënie të mira me koleget.
Të paktën kështu shihet edhe nga fotot, ku duken të qeshur dhe teksa shkëmbejnë biseda me njëri-tjetrin. Ndërkohë që krah Tahirit qëndron edhe Bashkim Fino. Epo shoqëria e mirë në ditë të vështira shihet…
