Një person, i cili dyshohet se është me probleme mendore, ka plagosur me thikë një efektiv policie në Durrës.
Burime emdatike bëjnë me dije se policia u njoftuar nga banorët në lagjen nr.1 të qytetit për një person me sjellje të dhunshme dhe kur efektivët e policisë kanë shkuar në vendngjarje, tentuan të negociojnë me të.
Sipas informacioneve paraprake, një efektiv i është afruar ndërsa personi ka nxjerrë thikën nga çanta që mbante me vete dhe është larguar me vrap. Policët e kanë ndjekur për disa metra me vrap dhe në momentin kur agresori është futur në një rrugicë qorre, në afërsi të një lavazhi në zonën e Brrylit, kanë tentuar ta neutralizojnë. Por agresori ka sulmuar efektivin e policisë me thikë duke e plagosur.
Mësohet se punonjësi i policisë është shoqëruar nga kolegët në Spitalin Rajonal, ku ndodhet jashtë rrezikut për jetën.
Ndërkohë, agresori është arrestuar nga uniformat blu. Deri më tani nuk dihet as identiteti i policit të plagosur, as ai i autorit të ngjarjes.
