Shqipëria e ka mbyllur në avantazh të një goli pjesën e parë përballë Kroacisë.
Kombëtarja e drejtuar nga Sylvinho ka zhvilluar një fraksion të parë të lojës të jashtëzakonshme teksa ka pasur disa raste për shënim.
Goli i vetëm u shënua në minutën e 11-të. Qazim Laçi, shfrytëzon në mënyrë të shkëlqyer në zonë dhe zhbllokon sfidën me kokë, pasi asistit të Asanit.
Ndërkohë, Shqipëria pati dy raste të arta për të thelluar rezultatin. Fillimisht një kundërsulm i shpejtë i kuqezinjve me Asanin i cili nis topin te Asllani por ky i fundit gjuan por ndalet nga portieri Livakovic.
Në fundin e fraksionit të parë vjen një tjetër rast këtë herë me Manajn. Pasim nga e djathta për lushnjarin, por gjuajtja e tij qendrore ndalet nga Livakoviç.
Tashmë e vetmja çka na mbetet është të menaxhojmë rezultatin deri në sekondën e fundit të sfidës, për të siguruar tre pikët e para, në rrugëtimin tonë historik, në Kampionatin Evropian të Gjermanisë, pikë të cilët, mund të na sigurojnë edhe një kualifkimin të mëtejshëm, gjë që nuk ka ndodhur kurrë më parë në historinë e futbollit tonë.
Më poshtë mund të shihni statistikat e pjesës parë:
