Besimtarët myslimanë festojnë sot një nga 2 festat më të rëndësishme, Kurban Bajramin.
Mijëra besimtarë u mblodhën sot në bulevardin ‘Dëshmorët e Kombit’ për faljen e namazit të Kurban Bajramit. Falja nisi në orën 06:00.
Me qindra besimtarë myslimanë kanë mbushur mëngjesin e sotëm pedonalen e qytetit të Beratit për të falur namazin e Kurban Bajramit, e cilësuar si një nga dy festat më të rëndësishme në kalendarin islam.
Edhe besimtarët myslimanë në Fier kanë falur që në orët e para të mëngjesit të sotëm namazin e Kurban Bajramit, ndërsa krerët myslimanë të Myftinisë kanë përcjellë urimet për paqe e harmoni mes njerëzve.
Edhe në qytetin e Durrësit besimtarët myslimanë kanë falur namazin e Kurban Bajramit.
Po ashtu namzi është mbajtur edhe në disa qytete të tjera.
