Tirana duket se ka hyrë fuqishëm në merkato, teksa ka prezantuar lojtarin e dytë brenda ditës së sotme.
Pas Aldi Gjumsit, edhe Arhan do të jetë pjesë e bardhebluve për sezonin e ri futbollistik.
Lojtari bullgar luan në krahun e djathtë të mbrojtjes. Më parë është aktivizuar me Hebar, CSKA 1948, Pirin, Spartak Varna, Loko Plovdiv dhe Arda Kardzhali.
Kjo është eksperienca e parë për të jashtë Bullgarisë. Nëpërmjet një postimi në faqen zyrtare, klubi bën me dije se 25-vjeçari bullgar është bashkuar në stërvitje.
Njoftimi i Tiranës:
“Mirësevjen Arhan Isuf. Klubi i Futbollit Tirana njofton afrimin e radhës në merakton e verës. Mbrojtësi i djathtë, Arhan Isuf është emri më i ri që do të rreshtohet në radhët e bardhebluve.
25-vjeçari bullgar është bashkuar në stërvitje me ekipin dhe ka nisur përgatitjet për sezonin e tij të parë në kampionatin shqiptar, pas një eksperience të gjatë në futbollin bullgar.
Klubi i Tiranës i uron mirëseardhje mbrojtësit Isuf dhe shumë suksese me fanellën bardh’ e blu!”
