Një ngjarje e rëndë ka ndodhur pasditen e sotme në rrugën rurale të fshatit Perondi të Kuçovës, ku një mjet bujqësor ka dalë nga rruga dhe si për pasojë ka humbur jetën drejtuesi i tij 55-vjeçar.
Policia thekson se po punon për sqarimin e rrethanave dhe shkakut të daljes nga rruga të mjetit bujqësor.
Njoftimi i policisë:
Kuçovë/Informacion paraprak
Rreth orës 16:45, në rrugën rurale të fshatit Perondi, Kuçovë, mjeti bujqësor zetor që drejtohej nga shtetasi R. K., 55 vjeç, ka dalë nga rruga.
Si pasojë e daljes nga rruga, drejtuesi i mjetit, shtetasi R. K, ka humbur jetën.
Grupi hetimor po punon për sqarimin e rrethanave dhe shkakut të daljes nga rruga.
