Jerry West, një nga lojtarët më të mëdhenj në historinë e NBA-së, ka ndërruar jetë në moshën 86-vjeçare.
West vdiq në shtëpinë e tij në Los Angeles me gruan Karen që iu gjend pranë në çastet e fundit të jetës.
West, silueta e të cilit përdoret për logon e NBA-së, ishte një All-Star çdo sezon të karrierës së tij 14-vjeçare, të gjitha me Lakers, dhe i ndihmoi ata të fitonin një kampionat në vitin 1972.
Ai shënoi mesatarisht 27 pikë, 6.7 asistime dhe 5.8 top në tabelë në karrierën e tij.
West, i cili ka një statujë jashtë arenës së Lakers dhe numri 44 i të cilit është tërhequr nga skuadra, ishte pjesë e ekipit të parë të All-NBA 10 herë, 10 herë në ekipin e mbrojtësve më të mirë, ndërsa ishte shënuesi më i mirë i NBA në sezonin 1969-1970.
I lindur në Chelyan, WV, Jerome Alan, West luajti në Universitetin e Virxhinias Perëndimore, ku ai ishte dy herë në ekipin e parë All-American. Ai u zgjodh i dyti në draftin e NBA të vitit 1960 te Lakers.
Pas pensionimit në vitin 1974, West mori postin e trajnerit të Lakers në vitin 1976, duke mbajtur stolin për tre sezone.
Më pas ai u bë zbuluesh talentesh për ekipin dhe u emërua menaxher i tyre i përgjithshëm në 1982, duke ndihmuar në krijimin e “Showtime Lakers”, skuadër e cila fitoi pesë kampionate NBA në vitet 1980, një ekip që shfaqte Magic Johnson, Kareem Abdul-Jabbar dhe James Worthy si protagonistë në parket.
West më pas ndërtoi dinastinë e ardhshme të Lakers në fund të viteve 1990 dhe në fillim të viteve 2000, duke punësuar Phil Jackson si trajner, duke shkëmbyer të drejtat e Kobe Bryant dhe duke nënshkruar Shaquille O’Neal si agjent i lirë.
Pasi Lakers fitoi kampionatin e tyre të tretë radhazi në 2002, West u largua për t’u bërë menaxher i përgjithshëm i Grizzlies dhe e udhëhoqi skuadrën në tre paraqitje në play-off në pesë sezone.
Ai më pas iu bashkua Warriors në 2011 si anëtar i bordit ekzekutiv përpara se t’i bashkohej Clippers në 2017.
West, i cili mori Medaljen Presidenciale të Lirisë në 2019, ka dy djem, Ryan dhe Jonnie, me gruan e tij të dytë Karen dhe tre djem, David, Mark dhe Michael, me gruan e tij të parë, Martha.
