Një zjarr i rënë në një vendgrumbullim të mbetjeve urbane, në periferi të qytetit të Gjirokastrës ka rrezikuar banesat në këtë zonë.
Zjarri u shfaq rreth orës 19.45, në lagjen “Gërhot”, në një grumbull mbeturinash. Pas marrjes së njoftimit nga banorët e lagjes në vendngjarje mbërriti automjeti dhe efektivët zjarrfikës. Si shkak i tymit dhe blozës banorët ishin përfshirë nga paniku ndërkohë që zjarrfikësit ndërhynë për shuarjen e zjarrit pa dëme materiale.
Dyshohet se zjarri është vendosur nga shtetasi me inicialet S.L për të djegur mbeturinat por flakët i kanë dalë jashtë kontrollit. I dyshuari si zjarrvënës do të përballet me sanksionet ligjore.
