Arrestohet në Itali Aleks Ndreka, i njohur si “Leksi i Druve”.
Burime konfirmojnë se lezhjani është arrestuar në aeroportin e Malpensas në Milano tre ditë më parë.
47-vjeçari ishte shpallur në kërkim ndërkombëtar në kuadër të megaoperacionit “Metamorfoza”, pasi GjKKO, më datë 23.07.2023, i ka caktuar masën e sigurisë “Arrest në burg”, për veprën penale “Sigurimi i kushteve dhe i mjeteve materiale për të kryer vrasje”, kryer në kuadër të grupit të strukturuar kriminal.
Sipas GJKKO-së, Aleks Ndreka dyshohet se i jepte informacion Behar Bajrit për lëvizjet e Ibrahim Licit dhe Dorian Dulit.
Autoritet italiane pritet të plotësojnë dokumentacionin përkatës për ta ekstraduar Aleks Ndrekën drejt Shqipërisë.
- Njoftimi nga Policia e Shtetit:
“Kapet në Milano dhe arrestohet provizorisht, për t’u ekstraduar në Shqipëri, një 47-vjeçar i akuzuar në kuadër të megaoperacionit “Metamorfoza”, për pjesëmarrje në grup të strukturuar kriminal, për sigurim kushtesh/mjetesh për të kryer vrasje.
Si rezultat i informacionit të siguruar për vendndodhjen e një shtetasi të shpallur në kërkim ndërkombëtar dhe shkëmbimit të këtij informacioni ndërmjet Interpol Tiranës dhe Interpol Romës, nga Policia italiane u mundësua lokalizimi dhe kapja në Milano, Itali, me qëllim ekstradimin në Shqipëri, e shtetasit A. N., 47 vjeç.
47-vjeçari ishte shpallur në kërkim ndërkombëtar në kuadër të megaoperacionit “Metamorfoza”, pasi GjKKO, më datë 23.07.2023, i ka caktuar masën e sigurisë “Arrest në burg”, për veprën penale “Sigurimi i kushteve dhe i mjeteve materiale për të kryer vrasje”, kryer në kuadër të grupit të strukturuar kriminal.
Vijon bashkëpunimi me homologët në Itali, për të finalizuar ekstradimin e shtetasit A. N., në Shqipëri”, thuhet ne njoftim.
- Kush është Aleks Ndreka
Aleks Ndreka është një personazh i njohur në Lezhë dhe Shkodër, ndërkohë që është tentuar disa herë të vritet. Ndaj tij janë kryer edhe atentate me dron teksa ruhej nga policia.
Në dosjen e SPAK rezulton se ish-deputeti i PS, Arben Ndoka kërkonte vrasjen e Ndrekës për shkak se dyshonte që ai ishte personi që kishte ndihmuar në vrasjen e vëllait të tij, Aleksandër Ndoka.
Aleks Nderka i ka shpëtuar disa atentatve. Në vitin 2020 ai u plagos në superstradën Lezhë-Laç. Ai arriti tu shpëtonte dhe të shkonte vetë në Spitalin Rajonal të Lezhës. Autorët u larguan më pas. Atentati më i frikshëm ndaj tij, ishte ai me dron. Ndreka njihet dhe si kundërshtar me fisin Ndoka, konkretisht me ish-deputetin socialist Arben Ndoka. Dhe ky i fundit tashmë është shpallur në kërkim në kuadër të operacionit “Metamorfoza 2”.
Më herët në Itali u arrestua edhe Arian Tuku, pjesë e dosjes Metamorfoza, i cili akuzohet si pjesëmarrës në njërin prej atentateve ndaj Ndrekës. Tuku është dhëndri i Arben Ndokës.
Arian Tuku, i cili u vendos në prangat e policisë italiane, pasi rezultonte i shpallur në kërkim ndërkombëtar në kuadër të megaoperacionit të Prokurorisë së Posaçme Kundër Korrupsionit dhe Krimit të Organizuar (SPAK).
Tuku sipas SPAK, ka tentuar të vrasë Aleks Ndrekën, i njohur si “Leksi i druve”, ndërsa ka siguruar kushtet dhe për vrasjen e të “fortit” të Nikles, Durim Bami. Po ashtu, Arian Tuku, me origjinë nga Lezha, në 2020 ka trafikuar në Mal të Zi 168 kg kanabis sativa të cilat janë sekuestruar nga autoritetet malazeze.
- Dosja e SPAK për “SKY” dhe “ENCRO”
Pas dosjes që mbërriti nga Franca me mesazhet e zbuluara të aplikacioneve SKY dhe ENCRO, Më 23 korrik 2023 GJKKO me kërkesë të SPAK firmosi 15 urdhërarreste duke zbuluar grupin e strukturuar krimilal pjesë e të cilës ishte dhe biznesmeni shkodran Pëllumb Gjoka.
Mes të arrestuarve ishin Pëllumb Gjoka, Edmond Preka, Ardit Hasanbegaj, Astmer Bilali, ish shefi i operacionales, Oltion Bistri dhe ish prokurori i Kukësit Xhevahir Lita, kurse në kërkim u shpallën Aleks Ndreka, Behar Bajri, Ervis Martinaj, Elion Hato, Denis Brajoviç, Bardhyl Mavraj
