Klubet e Premier League-s kanë votuar pro ruajtjes së VAR-it në kampionatin anglez, pasi u thirrën të shprehnin qëndrimin e tyre për propozimin e Wolverhamptonit për eliminimin ose jo të VAR-it, duke filluar nga sezoni i ardhshëm.
Një temë e dashur për fansat, jo vetëm ata anglezë, duke qenë se përdorimi i VAR-it ka krijuar polemika në të gjithë futbollin britanik që nga prezantimi i tij.
Ashtu siç pritej, në prag të votimit, 14 votat e nevojshme për heqjen e VAR-it nuk u arritën.
Prandaj, VAR-i do të mbetet në fuqi për sezonin 2024-2025.
Klubet e Premier League-s kanë të drejtën të propozojnë ndryshime rregullore, por çdo propozim i tillë kërkon një shumicë prej dy të tretave (deri në 14 nga 20 klube) për të kaluar.
Prandaj, nuk ka gjasa që ky objektiv të arrihet, pasi ekziston mendimi i përgjithshëm që shumica e klubeve do të dëshironin të bënin ndryshime që përmirësojnë sistemin aktual në vend që ta eliminojnë atë, por ende konsiderohet një mjet i dobishëm.
Priten ndryshime edhe në sistemin e arbitrimit në Premier League sezonin e ardhshëm, pasi do të futet pozicioni jashtë loje gjysmautomatik, i miratuar në mbledhjen e aksionarëve në prill.
