Edmond Panariti, ish ministër i Jashtëm, komentoi takimin e sotëm Rama- Meloni në Tiranë, teksa e quajti atë një takim i bërë në interes të kryeministres italiane.
Panariti sqaroi se Meloni po përpiqet të përmbushë premtimet që ka dhënë në lidhje me uljen e emigrantëve të paligjshëm, në mënyrë që të ndihmoje veten në fushatën elektorale e cila po afron.
“Përpos qokës ajo është në linjë me programin e saj për të cilin u mandatua si kryeminitre e qeverisë italiane, ku thelbi i programit të saj ka qenë ndalimi dhe frenimi i fluksit të emigrantëve dhe në funksion të kësaj ajo ka bërë disa lëvizje. Në radhë të parë, e para është arritje e marrëveshjes me Tunizinë dhe e dyta marrëveshja me Shqipërinë.
Dhe tashmë ndodhemi dhe në prag të zgjedhjeve për Parlamentin Europian ku ajo kandidon dhe për rrjedhojë duke ditur dhe faktin se tema e emigracionit të paligjshëm është një patate e nxehtë, ka një interes të lartë publik në Bashkimin Europian, ashtu siç është dhe në Britaninë e Madhe dhe që do luajë një funksion të jashtëzakonshëm në rezultatet eletorale të forcave që e përkrahin ose jo çështjen e formimit të emigracionit të paligjshëm.
Ketë zonja Meloni e ka kapur dhe prandaj vizita sot vjen thjeshtë në funksion të kësaj ambicieje, të këtij testi elektoral që po përballet së shpejti dhe i duhet padyshim asaj për të qenë koherente dhe për premtimet që ajo pati bërë në fillim të mandatit të qeverisjes, se do bënte çmos për të frenuar dhe për të reduktuar numrin e emigrantëve ilegalë që hynë në atë territor”, tha Panariti per Syri tv.
