Gazetari Andi Tela ka folur për dokumentarin e Rai3, për marrëveshjen e Shqipërisë dhe Italisë për refugjatët, ku Shqipëria portretizohej si një narko-shtet, ku interesat e krimit të organizuar kanë depërtuar në institucionet e vendit.
Tela tha se dokumentari është ndjekur nga 4 milionë persona, shifër kjo mjaft e lartë e audiencës.
“Investigimi i shfaqur në Itali, është parë dje nga 4 milionë italianë, është shifër shumë e lartë. E kanë parë në një moment që italianët ndodhen para zgjedhjeve. U shfaqet fabula që Meloni, që erdhi në pushtet, me tezën e saj, për të gjetur zgjidhjen e emigracionit, ndodhet para zgjedhjeve, një kryeministër i majtë po ndihmon Melonin e djathtë.
Tani çfarë duan të thonë, edhe D’Alema i majtë nuk është aq i pastër sepse po bën biznes. D’Alema nuk është më në politikë.
Fabulës që në Shqipëri të gjithë vijnë për biznes, sepse është kollaj për të bërë biznes, i futën edhe Urson, që kishte qenë bashkëpunëtor me Bechettin dhe pastaj e la. Kishte krijuar një kompani në Shqipëri që e menaxhonte i biri dhe kishte kontakte me Artan Gaçin.
Pra flitet për politikanë italianë, që sipas mendimit tim si ambasadorët vijnë, marrin pjesën që i takojnë dhe largohet. Pra jo gjithcka është ashtu siç duket”, tha Tela në emisionin “Të Paekspozuarit” në MCN TV,
