Nelson Hysa është fituesi i titullit “IBO International” për peshat e rënda, teksa mundi me KO në Neuchatel të Zvicrës kolumbianin Jeison Troncoso.
Hysa arriti të marrë epërsinë në dy raundet e para por që gjithsesi edhe kundërshtari pati momentet e mira të tij.
Por, ai që i dha fund kësaj ndeshje ishte raundi i tretë, gjatë cilit Hysa ishte i papërmbajtshëm aq sa goditjet e tij detyruan kundërshtarin të shembej në ring dy herë, dhe më pas ndërhyrja e arbitrit që mbyll të githë ndeshje duke i dhënë fitoren boksierit shqiptar.
Kjo ishte fitorja e 17-të në karrierë për Hysën, dhe e 15-ta me KO, por, ajo që është më e rëndësishjme ka të bëjë me atë që kjo fitore i ka dhënë boksierit shkodran titullin “IBO International” për peshat e rënda.
Pjesë e turneut të boksit profesionist zhvilluar në Zvicër ishin edhe tre boksierë të tjerë shqiptarë të boksit profesionist, të cilët dolën fitues në peshat e tyre. Ato janë: Alban Bërmeta, Denis Nurja, dhe Mikel Çullhaj.
