Filip Najdovski nuk do të jetë më një lojtar i Tiranës.
Lajmi i ditur prej muajsh, tani konfirmohet më në fund nga vetë lojtari i cili me një postim në Instagram i jep lamtumirën bardhebluve.
“Erdhi dita… kur një histori e bukur në karrierën time përfundon! Edhe pse e imagjinoja një fund më të mirë, por nuk është gjithmonë siç e duam ne. Ishte një nder dhe privilegj të isha pjesë e klubit më të madh në Shqipëri. Dua të them shumë faleminderit të gjithëve, duke filluar nga presidenti, të gjithë trajnerët, stafi mjekësor dhe të gjithë punojësit e klubit e këdo që ka të bëjë me klubin.
Dhe falenderimin më të madh për tifozët më të mirë në Shqipëri. Do të mbetem tifozi juaj dhe t’ju shoh përpara drejt çdo suksesi. Faleminderit Tirana”. shkruan Najdovski.
Mbrojtësi nga Maqedonia e Veriut ishte pjesë e bardhebluve që prej vitit 2020, asokohe i afruar nga Vardari me parametra zero.
