Avokati Bledar Dervishaj i ftuar në Edicionin ‘Ora 19’ në SYRI TV ka deklaruar se sulmi ndaj avokatit, Sokol Mëngjesi ka ndodhur për shkak se autorët besojnë se nuk ndëshkohen.
Ai shprehet se në Shqipëri duket sikur çdo kush që ngre dorën ndaj dikujt nuk do ta gjejë asgjë dhe shton më tej se këta persona nuk kanë frikë nga zbatimi i ligjit dhe nga ndëshkimi penal.
“Agresivitet të sulmueseve, mungesën e frikës, se si mund të marrë dikush një iniciativë të kësaj natyre për të goditur në zemër të kryeqytetit, aty ku kontrolli pritet të jetë më i lartë, si nga kamerat dhe policia, hyn dhe goditet në mënyrë barbare një avokat.
Kjo tregon mungesë frike.
Kjo ngjarja nuk është se ndodhi aty për aty, por duket e paramenduar mirë.
Kodi Penal e mbron njësoj si deputetin, gjyqtarin, prokurorin, avokatin, ushtarakun apo çdo funksionar tjetër publik.
Nëse ngrihet dorë ndaj këtyre funksionarëve dhe burgimi është jo më pak se 30 vite dhe deri në burgim të përjetshëm.
Do të doja shumë që hetimet të përfundonin shpejt dhe kapja e autorëve të bëhet sa më shpejt dhe përballja e tyre me drejtësinë të ishte ashtu siç ata e meritojnë, se kështu do të ofrohet një mbrojtje më e madhe edhe tek profesioni i avokatisë.
Ngjarja është shumë e rëndë. Kjo gjë ka sjellë vërtetë nevojën që sistemi ynë të reagojë. Policia duhet të vazhdojë me hetime të thelluara për të zbuluar shkakun, autorët dhe për të mos i tejzgjatur hetimet.
Kjo është mungesë frike ndaj zbatimit të ligjit. Këtu duket sikur çdo kush që ngre dorën ndaj dikujt nuk do ta gjejë asgjë. Nuk ka frikë nga zbatimi i ligjit dhe nga ndëshkimi penal.
Kjo vjen nga bindja që nuk do të ndëshkohet. Për ta përmbysur këtë bindjet duhet që forca ndëshkuese të jetë ekstreme, maksimale dhe menjëherë.
Të shkojë çdo kush para drejtësisë për atë që ka bërë“, tha ndër të tjera, avokati Bledar Dervishaj në SYRI TV.
