Ish-trajneri i Kombëtares shqiptare Astrit Hafizi, mendon se trajneri Silvinjo do të jetë ai i cili në fund do të mbajë përgjegjësitë për të gjithë zgjedhjet që ka bërë në listën e tij për “Euro 2024”.
Në një intervistë të dhënë për “Vizion Plus”, ai ka folur rreth pasigurisë që është krijuar për faktin që Sylvinho nuk shpjegoi zgjedhjet e tij dhe se edhe vetë lojtarët e lënë jashtë tashmë duhej të flisnin për këtë situatë të krijuar.
Gjithashtu, ai bëri thirrje që të shmangej euforia e tepërt me deklarata para aktivitetit, sidomos nga ana e drejtuesve të FSHF dhe pjesëtarëve të ekipit, për të mos krijuar pritshmëri të rremë në një grup të vështirë.
Lista e Silvinhos – Vendimi i Silvinhos nuk më ka bërë përshtypje. Janë gjëra që në mënyrë ekskluzive janë të trajnerit, zgjedhja e lojtarëve. Duhet t’i pranojmë dhe t’i marrim të mirëqena. Rëndësi ka mendoj unë që për Silvinjon të mos ketë ndonjë peng, të mos ketë ndonjë paqartësi me veten e vet apo ndonjë mundësi që më vonë e bën të pendohet, të jetë me veten e vet I qartë dhe I pastër. Pastaj faturën e kësaj do ta marri si për mirë dhe si për keq trajneri i kombëtares.
Të “përjashtuarit” nga Kombëatarja – E dëgjova konferencën për shtyp të Sylvinhos. M’u duk pak kontradiktor me lojtarët që ka marrë dhe me lojtarët që ka lënë jashtë në shpjegimet që ai jepte për arsye të ndryshme.
Nuk mora vesh a ishin të dëmtuarit pjesë, apo ishin në mungese të aktivizimit dhe formës së tyre jo në 100%?? Pra ishin disa momente ku diku u përplaste. Pra ajo çfarë mendonte dhe ajo çfarë mendonte me atë çfarë kishte thënë, ose çfarë kishte në listë.
Nëqoftëse I referohemi rikthimit të disa lojtarëve, siç është Abrashi apo Gjasula, unë mendoj se kemi të bëjmë një rikthim mbrapa të cilin ai e shpjegoi se njeri prej tyre ka shpirtin, ka zemrën, ka atë grintën në skuadër.
E kështu ne mund të themi pa frike se kjo grinte deri më tani qe e sjell Abrashi ka munguar në skuadër, nuk ka pasur ne eliminatore, nuk ka qenë kjo luftë, ky shpirt. Ose një tjetër aspekt është eksperienca, përvoja që përmendi trajneri.
Prapë, nuk kemi pasur përvojë në eliminatore? Në fakt ne kemi pasur lojtarë të të gjitha kategorive në eliminatore. Një prej tyre ka qenë Cikalleshi, një lojtar më eksperiencë, nga e cila mund të përfitojmë shumë edhe ne, paçka se ndeshjet e tij kanë qenë më shumë duke luajtur në veprime mbrojtëse sesa sulmuese në detyrat që ai merrte. Nuk ishte faji i tij.
Disa të tjerë nuk kanë formë, nuk kanë 100% minuta loje? Këtu jam më Silvinjon sepse ne nuk e kemi luksin të lëmë jashtë lojtarë që nuk luajnë shumë. Nuk jemi një kombëtare e madhe për të pasur bollëk zgjedhjesh, jemi Shqipëria. Po marr vetëm një shembull.
Nëse do të vepronim mbi këtë standard, atëherë të parët që do të qëndronin jashtë listës dhe nuk do të duhej të luanin do të ishin dy portierët, me gjithë vlerësimet që kam për ata të dy se janë portierë të mirë, sidomos Berisha I cili në 2016, ishte një nga pikat më të forta tonat në Europian dhe që na shtyu përpara. Ne nuk mund të fusim Kastratin në lojë meqenëse ai aktivizohet në klube, meqë Berisha e Strakosha nuk kanë minuta. Flas gjithmonë për këto kushte ku jemi.
