Sot në orën 19:00, Partizanit dhe Egnatia do të përballen në fushën e “Air Albania”.
Takimi do të jetë i vlefshëm për finalen e “Final Four”, ku edhe do të shpallet ekipi kampion i sezonit 2023/2024 të Kategorisë Superiore.
Ditën e djeshme kanë dalë edhe koefiçentët që kompanitë e basteve kanë vendosur për të dy skuadrat.
Ato ishin të njëjta, kjo edhe për shkak se ndoshta kanë marrë për bazë pikët e marra nga të dyja ekipet në 36 javë kampionat, ku secili prej tyre grumbulloi nga 63, pra në baraspeshë totale.
Ditën e sotme ka pasur një ndryshim të vogël. Tani kuotohet Partizani si favorit në këtë takim, me një koefiçent 2.3, ndërsa Egnatia me 2.8 .
Diferencë e vogël, por përveç asaj duhet parë edhe se sa lart e kanë kuotuar fitoren e rrogozhinasve, që duket e pakuptimtë të jetë aq për një skuadër që e ka udhëhequr pothuajse të gjithë kampionatin dhe më pas e ka mbyllur në vendin e parë.
