Angelo Tafas largohet zyrtarisht nga Kukësi.
Rënia e klubit verilindor në Kategorinë e Parë, ka bërë që kapiteni i skuadrës të largohet, me portierin që është një nga synimet e Tiranës për merkaton e verës.
Lajmin zyrtar për largimin e tij nga Kukësi, e ka bërë vetë portieri me anë të një postimi në profilin e tij në Instagram.
“Dua te ju informoj te gjitheve se nuk jam me pjese e F.K Kukesi. Kisha nderin dhe kenaqesine keto 4 vite te isha lojtar dhe kapiten i kesaj skuadre. Dua te falenderoj F.K Kukesi dhe familjen Gjici per besimin e dhene dhe te gjithe tifozet per perkrahjen gjate kesaj kohe. Falenderime per trajneret, bashkelojtaret dhe bashkepunetoreve te tjere ne klub”, shkruan Tafas.
View this post on Instagram
Gardiani 23-vjeçar mbyll kështu aventurën e tij të dytë me Kukësin, ku është pjesë që prej vitit 2020, ku në sezonin e fundit mbajti dhe shiritin e kapitenit.
Ndërkohë që zërat e merkatos e dërgojnë Tafasin sa te Tirana, me bardheblutë që kanë shprehur interesim për shërbimet e portierit.
