45 vjeçari Taulant Myftarlli, banues në fshatin Zëmblak të Maliqit, ka humbur jetën pak minuta më parë teksa po pastronte armën e gjahut.
Mësohet se ngjarja ka ndodhur në banesën e tij. Ndërkohë të njëjtat burime thonë se arma ka shkrepur aksidentalisht gjatë momentit kur 50 vjeçari po e pastronte.
“Mbrëmjen e sotme, në fshatin Zëmblak, Maliq, në banesë, shtetasi T. M., rreth 45 vjeç, duke pastruar armën e gjahut (të cilën e posedonte me leje) dyshohet se arma është shkrepur aksidentalisht dhe për pasojë ky shtetas ka humbur jetën.”- njofton policia.
Grupi hetimor po punon për sqarimin e plotë të rrethanave të ngjarjes.
