Oleksandr Usyk është shpallur kampion i pakontestueshëm i boksit në botë, në kategorinë e peshës së rëndë.
Boksieri ukrainas mposhti Tyson Furyn, në një duel të madh i cili u mbajt në Riad të Arabisë Saudite, në orët e para të së dielës.
Dy nga gjyqtarët i dhanë fitoren Usyk me rezulatin (115-112, 114-113), ndërsa njëri votoi për Furyn (114-113).
Në raundin e nëntë ukrainasi shfaqi dominimin e tij. E për pak i mori fitoren me KO britanikut, por vetëm ndërhyrja e kritikuar e arbitrit e ndali furinë e kampionit të botës.
#Usyk New heavyweight champion of the world !?? #FuryUsyk pic.twitter.com/LZTayi4E6m
— W I L D (@WildWideX) May 18, 2024
Usyk merr rripin WBC nga Fury, për ta shtuar në koleksionin e tij WBA, WBO dhe IBF.
Usyk, 37-vjeçari ukrainas është boksieri parë që mban të katër rripat në periudhën e njëjtë në kategorinë e peshës së rëndë prej epokës së ish-kampionit Lennox Lewis në prill të vitit 1999.
