Një sherr masiv ka ndodhur mes të burgosurve shqiptarë dhe atyre italianë në burgun e Sant’Angelo dei Lombardi, ku për pasojë 5 persona kanë mbetur të plagosur.
Mediat italiane kanë bërë të ditur se ende nuk dihet se çfarë u bë shkak i sherrit, por theksohet se një nga të burgosurit ndodhet në gjendje të rëndë për jetën. Ka qenë ndërhyrja në kohë e personelit të policisë së burgut për të shmangur ndonjë tragjedi. “Kërkojmë nga Departamenti i Administrimit të Burgjeve, – thotë Ciro Auriçhio, sekretar rajonal, – për të marrë masa urgjente të natyrës disiplinore dhe penale, kundër atyre që janë përgjegjës për atë që ka ndodhur.
Falënderimet shkojnë tek kolegët qe ndërhynë, të cilët i kanë shmangur pasojat më të këqija. Për fat të mirë, por edhe në sajë të profesionalizmit të tyre, asnjë agjent nuk u plagos gjatë luftës”, u shpreh sekretari rajonal.
