Teksa e gjithë Shkodra është tronditur nga ngjarja e rënë ku 39-vjeçarja Alma Arrazi, i dha fund jetës duke u hedhur së bashku me tre fëmijët e saj të mitur në lumin Buna, një e afërmja e saj deklaron se 39-vjeçarja nuk ka shfaqur shenja depresioni dhe se sillje shumë mirë.
Më tej ajo shton se dy viktimat e mitura, Ergesa dhe Gresa, në një klasë me vajzën e saj, ndërsa tregon se nuk ka pasur forcë t’i shpjegonte të bijës për ndarjen nga jeta të shoqeve.
“Kanë qenë në një klasë me vajzën time. S’kam pasur forcë t’ia shpjegoj, i kam thënë thjesht që nuk i ke më shoqet.
Vajza ka sjellë lule, ka shkruar edhe një letër. Shkonin shumë mirë. Almën e njoh, e kam pasur shoqe, jemi si kushërira. Por deri këtu e paskan pasur të shkruar.
Alma sillej shumë mirë, se kam parë asnjëherë të shqetësuar, të stresuar. Ka qenë shumë e qetë, edhe fëmijët ishin shumë të mirë”, tha ajo.
